Համացանցային մշակույթը, մասնավորապես՝ «չաթերենը»՝ տարատեսակ ֆորումների, չաթերի, ստատուս-քոմենթային համակարգերի պաշտոնական լեզուն և սիրված բարբառն է:
Դե ի՞նչ, խոսենք համացանցային լեզվի մասին։
Այսպիսով՝ Հայաստանում, իմ կարծիքով գրեթե բոլորը խոսում են համացանցային լեզվով։ Կան բառեր, որոնք համացանցային են, սակայն օգտագործում ենք ռեալ կյանքում և այն գրեթե բոլոր հայ երիտասարդների մոտ դարձել է հայերեն ազգային լեզվի պես, չնայած, որ ազգային լեզվի և համացանցային լեզվի մեջ ակնհայտ տարբերություններ կան: Համացանցի լեզվում, ավելի ճիշտ մարդկանց լեզվով ասած «չաթերենում»,«հի հի» կան արտահայտություներ կամ բառեր որոնք օգտագործում ենք նաև ռեալ կյանքում, սակայն ոչ ավելի շատ, քան օգտագործում ենք համացանցում:
Ընդհանրապես մարդկանց մեծ մասի մոտ առկա է մի սովորություն՝ կրկնօրինակել միմյանցից կամ ինչ-որ բանից:
Օրինակ՝ արտահայտություններ կան, որոնք մարդիկ կրկնօրինակում են հումորային ծրագրերից:
Օրինակ՝ «ստե չես, ստե չես, ստե չես» , «Հըննն՜ն» «Դու արդեն խոսում ես», «չասես դու տենց բան, մի ասա ինձ տենց բաներ»: Այս արտահայտությունները մենք կրկօրինակում ենք հումորային ծրագրերից, և սրանք հաճախ օգտագործում ենք ռեալ կյանքում և համացանցում:
Համացանցային լեզվի մեջ ուղղագրական կամ կետադրական սխալները նկատելի չեն, քանի որ մենք՝ հայերս, սիրում ենք գրել լատինատառ, այդ իսկ պատճառով մեր գրվածքում չեն երևում կետադրական և ուղղագրական սխալները: Կետադրական նշանները սովորաբար դնում ենք ըստ ցանկության և հնարավոր է, որ այն տեղադրենք ոչ պիտանի վայրում, և այն բնականաբար սխալ չի համարվի:
Համացանցի լեզվի մեջ շատ գործածական են սմայլիկները: Դրանք մեզ օգնում են զգացմունքներ, էմոցիաներ արտահայտելու համար:
Կան նաև ավելի հակիրճ սմայլիկներ, այսինքն՝ սիմվոլներ:
))))) — այս սիմվոլը նշանակում է՝ ժպիտ
((((( — այս սիմվոլը նշանակում է, որ տրամադրության չկա:
Մենք նաև օգտագործում ենք թվեր, որոնք մեզ օգնում են բառն ավելի հակիրճ գրել:
Օրինակ՝ 4 – այս թիվը մենք գործածում ենք «չ» տառի փոխարեն:
Չկատարել — 4կատարել, չուզել — 4ուզել և այլն:
Երկու — 2 , երեք – 3, չորս — 4, հինգ — 5 թվերը – օգնում են շաբաթները գրելուն՝
Երկուշաբթի — 2շաբթի, երեքշաբթի — 3շաբթի, չորրեքշաբթի — 4շաբթի, հինգշաբթի — 5շաբթի:
8 – այս թիվը օգտագործում ենք, բառեր վերջի — ություն վերջածանցներ գրելու համար։
Գր8յուն – գրություն, հիվանդ8յուն- հիվանդություն, հաջող8յուն – հաջողություն և այլն:
Կան նաև բառեր, որոնք համացանցում ավելի հաճախակի ենք գործածում, քան ռեալ կյանքում: Օրինակ՝ «ազիզ», «կյանքս», «արևս», «սիրտս» և այլ այսպիսի բառեր:
Նաև շատ տարածված է ՝ LOL, Error, selfie, like, unlike, follow, anfollow, OMG, OK բառերը։ Սրանք ավելի շուտ անգլերեն բառեր են, որոնք դարձրել ենք հայկական համացանցային օգտագործման լեզու: (далее…)
Անուշիկ Աղաջանյան 